ஆலய மணிக்கு முன், தெரு விழிக்கும் முன்,
தென்னை மரங்களின் மேல் ஏறுகிறான் சகோதரன் கதிரவன்;
ஒளிக்கு நான் தகுதியா என்று அவன் கேட்பதில்லை —
தந்தை தருவது போல, அவனும் தருகிறான்.பித்தளைக் குடத்தில் காத்திருக்கிறாள் சகோதரி நீர்,
இரவின் குளிர்ச்சியுடன், முதல் செபத்திற்காக;
காகமும் சிட்டுக்குருவியும் ஆலயப் புறாவும்
வெவ்வேறு சொற்களில் ஒரே திருப்பாடலைப் பாடுகின்றன.அசிசியின் சிறிய ஏழையே, எனக்குக் கற்றுக்கொடு:
இந்தத் தெருவில் ஆலயத்தில் நடப்பது போல நடக்க,
ஒவ்வொரு முகத்தையும் சகோதரன், சகோதரி, நண்பன் என வாழ்த்த,
“என் ஆண்டவரே, நீர் போற்றப்பெறுவீராக” என்று நாளைத் தொடங்க.
இந்தப் பகுதிக்காக எழுதப்பட்ட சொந்தக் கவிதை. உங்கள் கவிதைகளை “படைப்பை அனுப்புக” பக்கம் வழியாக அனுப்புங்கள்.